இயக்குனர் எஸ்.ஏ.சந்திரசேகரன் இயக்கத்தில் வெளியான சுக்ரன் படத்தின் மூலம் இசையமைப்பாளராக அறிமுகமான விஜய் ஆண்டனி, கடந்த 2012 ஆம் ஆண்டு வெளியான நான் திரைப்படத்தின் மூலம் ஹீரோவாகவும் உருமாறினார்.
நான் திரைப்படத்தின் வெற்றியை அடுத்து அவர் நடித்துவரும் திரைப்படம் சலீம். இயக்குனர் பாரதிராஜாவிடம் இணை இயக்குனராகப் பணியாற்றிவந்த என்.வி. நிர்மல்குமார் இப்படத்தை இயக்கிவருகிறார். ஸ்டுடியோ 9 புரொடக்சன்ஸ், ஸ்ரீ கிரீன் புரொடக்சன்ஸ் மற்றும் விஜய் ஆண்டனியின் விஜய் ஆண்டனி பிலிம் கார்ப்பரேசன் ஆகிய நிறுவனங்கள் இணைந்து இப்படத்தினைத் தயாரித்துவருகின்றன.
நான் திரைப்படத்தில் விஜய் ஆண்டனி நடித்து, இசையமைத்ததைத் போலவே, இப்படத்திற்கும் விஜய் ஆண்டனியே இசையைமைத்துள்ளார். நேற்று அவரது இசையில் உருவாகிவரும் சலீம் படத்தின் இரு பாடல்கள் வெளியிடப்பட்டுள்ளன.
சிவசம்போ எனத் துவங்கும் பாடல் ரசிகர்களிடையே பெரும் வரவேற்பை பெற்ற பாடலாக வலம்வருகிறது. நேற்று வெளியான இரண்டு பாடல்களுமே படத்தின் இசை வெளியீட்டை எதிர்நோக்கிக் காத்திருக்கும் பரபரப்பினை ஏற்படுத்தியுள்ளன.
No comments:
Post a Comment